މީޑިޔާ ކައުންސިލް އިންތިހާބަށް ކުރިމަތިލުމުގެ ސުންގަޑިޔަކީ 7 ނޮވެމްބަރު

މޯލްޑިވްސް މީޑިޔާ ކައުންސިލުގެ މެމްބަރުކަމަށް ކުރިމަތިލުމުގެ ފުރުޞަތު ހޯމް މިނިސްޓްރީއިން ހުޅުވާލައިފިއެވެ. 23 އޮކްޓޯބަރު ގައި ހޯމް މިނިސްޓްރީއިން ކޮށްފައިވާ އިއުލާނެއްގައި ބުނެފައި ވަނީ ކައުންސިލްގެ މިހާރުގެ ދައުރު، ޑިސެމްބަރު މަހު 2 ވަނަ ދުވަހު ހަމަވާތީ އަލުން މެމްބަރުން އިންތިޚާބު ކުރުމަށްޓަކައި މެމްބަރު ކަމަށް ކުރިމަތިލުމަށް ހުޅުވާލާކަމަށެވެ. 


މީޑިޔާ ކައުންސިލް އެކުލެވިގެންވަނީ މީޑިޔާތަކުން ކުރިމަތިލާ 7 މެމްބަރުންނާއި އެނޫން 6 މެމްބަރުންގެ މައްޗަށެވެ.

އިންތިޚާބަށް ކުރިމަތިލުމުގެ ސުންގަޑިއަކީ 7 ނޮވެމްބަރ 2016 ވާ ހޯމަދުވަހުގެ މެންދުރު 2 ޖަހާއިރެވެ.

އިންތިޚާބަށް ކުރިމަތިލާ ފަރާތްތަކުގައި ހުންނަން ޖެހޭ ޝަރުތުތައް ވެސް މިނިސްޓްރީގެ އިއުލާނުގައި ބަޔާންކޮށްފައިވެއެވެ.   

---